Saturday, August 2, 2014

Abortion causes ကိုယ်ဝန်ပျက်စေတဲ့ အကြောင်းတရားတွေ

Abortion causes ကိုယ်ဝန်ပျက်စေတဲ့ အကြောင်းတရားတွေ (၁) ဆရာရှင့် ကျမအသက် ၃ဝ ရှိပါပြီ။ ကိုယ်ဝန်ပျက်ကျတာလေးကြိမ်ရှိပါပြီ။ ၈ ပတ်နဲ့ ၈ ပတ်မပြည့်ခင်မှာပျက်ကျပါတယ်။ သားအိမ်၂ ကြိမ်ခြစ်ရပါတယ်။ ပျက်ကျတဲ့အကြောင်းရင်းလေးသိချင်ပါတယ်ရှင်။ (၂) မင်္ဂလာပါဆရာရှင့်။ ဆရာရဲ့စာတွေဖတ်ရတာ အလွန်အကျိုးရှိလှပြီး နိုင်ငံရပ်ခြားကနေ မြန်မာနိုင်ငံသားတွေအတွက် ကျန်းမာရေးစောင့်ရှောက်မှုပေးနေတာ အတိုင်းမသိ ကျေးဇူးတင်မိပါတယ်ရှင့်။ သမီးအသက်က ၃ဝ ပါဆရာ။ ရန်ကုန်မှာ နေပါတယ်။ ပြီးခဲ့တဲ့ ၄ ရက်လောက်က သမီးရဲ့ရှစ်ပတ်ရှိပြီ။ ဖြစ်တဲ့ကိုယ်ဝန်ပျက်ကျခဲ့ပါတယ်။ ကိုယ်ဝန်ပျက်ကျနိုင်တဲ့ အကြောင်းရင်းအများကြီးထဲက အဖြစ်နိုင်ဆုံးအချက်အနည်းငယ်ကို ရှင်းပြစေလိုပါတယ်ရှင်။ သမီးဘယ်နှစ်လနေရင် ကလေးပြန်ယူလို့ရနိုင်မလဲ၊ ဘာတွေကြိုတင်ပြင်ဆင်ရမလဲသိချင်ပါတယ်ရှင်။ သမီးကိုယ်ဝန်ပျက်ကျတာ ဆရာဝန်ကြီးက သားအိမ်ခြစ်ပြီး၊ Biosy လုပ်ပါတယ်။ အဖြေမသိရသေးပါ။ ဘာကြောင့်ပါလဲရှင်။ (၃) အသက်က ၃၁ နှစ်ရှိပါပြီ။ အိမ်ထောင်သက်က ၄ နှစ်ပါ။ ကိုယ်ဝန်ပျက်တာ ၃ ခါရှိပါပြီ။ တစ်ခုနဲ့တစ်ခု တစ်နှစ်စီ ခြားပါတယ်။ သမီးကိုယ်ဝန်တွေက ၂ လကျော် ၁၁ ပါတ်မှာ ပျက်တာပါ။ OG တွေနဲ့ပြပါတယ်။ Abortion (အဘောရှင်း) ဆိုတာထက် Miscarriage (မစ်ကဲရေ့ခ်ျ) ဆိုတာကမှ ဆေးစာလုံးအမှန်ဖြစ်ပါတယ်။ Abortion ဆိုတာက ပျက်အောင်ဖျက်တာကိုသာ ခေါ်ပါတယ်။ Biopsy လုပ်တာက ခြစ်ထုတ်တဲ့ အသားစမှာ ကင်ဆာစတာပါ-မပါကိုသိချင်လို့ဖြစ်တယ်။ တကယ့်ကိုယ်ဝန်လား၊ စပျစ်သီးကိုယ်ဝန်လားလဲ စစ်ချင်လို့ ဖြစ်နိုင်ပါတယ်။ ကိုယ်ဝန်ပျက်-ဖျက်ပြီးရင် နောက်ကိုယ်ဝန်ယူဘို့ အများအားဖြင့် ရာသီမှန် ၂ လ စောင့်ခိုင်းလေ့ရှိပါတယ်။ ဘာလို့ ပျက်သလဲ၊ ဘယ်နည်းနဲ့ ပျက်-ဖျက်သလဲအပေါ်မှာ မူတည်တယ်။ ကိုယ်ဝန်ဆက်ရှိသွားလဲ စိုးရိမ်စရာမရှိပါ။ ကိုယ်ဝန်ပျက်စေတဲ့ အကြောင်းတရားတွေကို စာရင်းချရင် ၃၂ မျိုးရှိတယ်။ အများဆုံး ဖြစ်တတ်တဲ့ ရောဂါ ၃ မျိုး၊ ဖြစ်လေ့ရှိတဲ့ ရောဂါ ၁ မျိုး၊ ဖြစ်ခဲတဲ့ရောဂါ ၁ မျိုး၊ ရှားရှားပါးပါး ဖြစ်တတ်စေတတ်တဲ့ ရောဂါ ၂ မျိုးနဲ့ တခြားအကြောင်း ၂၆ မျိုးဆိုပြီးရှိတယ်။ အဲဒီရောဂါနဲ့ အခြေအနေတွေထဲက • Amniocentesis လုပ်နည်း၊ • Anticardiolipin syndrome ရောဂါ၊ • Carboprosttromethamine ရောဂါ၊ • Cervical incompetence သားအိမ်ဝမလုံခြင်း၊ • Chronic villus sampling လုပ်တာ၊ • Cone biopsy of cervix လုပ်တာ၊ • Endometrosis သားအိမ်ရောဂါ၊ • Gemeprost သွေးဆင်းရပ်ဆေး၊ • Listeria monocytogenes ရောဂါ၊ • Paroxysmal nocturnal hemoglobinuria ရောဂါ၊ • Paroxyvirus B19 infection ရောဂါ၊ • Rubella ဂျာမန်-ဝက်သက် ရောဂါ • Sickle cell disease သွေးရောဂါ၊ • Systemic lupus erythematosus ရောဂါ နဲ့ • Dinoprostone ကိုယ်ဝန်ဖျက်ဆေး၊ Mifepristone ကိုယ်ဝန် ဖျက်ဆေးတွေဟာကိုယ်ဝန် တခါမကပျက်နိုင်ပါတယ်။ ကျန်တာတွေကတော့ Alloimmune ရောဂါ၊ Antifetal antibodies ရောဂါ၊ Antiphospholipid antibodies ရောဂါ၊ သန္ဓေသားအင်္ဂါချို့ယွင်းတာ၊ အစာဆိပ်သင့်တာ၊ (ကေဖင်း) အများကြီးသောက်တာ၊ ရောဂါပိုးဝင်တာ၊ သားအိမ်ထဲ IUCD ပစ္စည်းထည့်တာ၊ Japanese skimmia ရောဂါ၊ Luteal phase defect ရောဂါ၊ ကင်ဆာအတွက် ဓါတ်ကင်တာ၊ ဆေးလိပ် သောက်တာ၊ သားအိမ် ပုံမှန်မဟုတ်တာ၊ အရက်သောက်တာနဲ့ သူ့အလိုလိုပျက်ကျတာတွေ ဖြစ်ပါတယ်။ • Miscarriage ခေါ်တဲ့ ကိုယ်ဝန်က ဖျက်ချတာမဟုတ်ဘဲ သူ့အလိုလိုပျက်စေတဲ့ အကြောင်းတွေထဲမှာ မတော်ဆဖြစ်တာနဲ့ သဘာဝအကြောင်းတရားတွေ ရှိတယ်။ အများဆုံး ဖြစ်တာက သန္ဓေသားရဲ့ (ခရိုမိုဆုံး) ပုံမှန် မဟုတ်လို့ ဖြစ်တာ၊ 50% ရှိတယ်။ • အများစုကစောပြီးပျက်တယ်။ တချို့မှာကိုယ်ဝန်ရှိနေတာတောင် မသိဘူး။ သုတေသနတခုအဆိုအရ - ၆၁့၉% ၁၂ ပတ် အတွင်းပျက်ကျတယ်။ - ဒီအထဲက ၉၁့၇% က ပျက်ကျတယ် ဆိုတာတောင် ကိုယ်တိုင် မသိလိုက်ကြဘူး။ - ၁ဝ ပတ် ကျော်တာနဲ့ အလိုလိုပျက်ဘို့ အခွင့်အလမ်းသိသိသာသာနည်းလာပြီ။ • ထိခိုက်မှု ဆိုတာ - မတော်တဆထိခိုက်မှု (အတွေ့အကြုံအရ အားကစားသာမန်လုပ်လို့ ပျက်မကျပါ။) - တမင်တကာထိခိုက်မှု နဲ့ - စိတ်ဖိအားတွေ ဖြစ်တယ်။ • ကိုယ်ဝန်ဆောင်သူအသက်ငယ်လွန်းတာ၊ ကြီးလွန်းတာကြောင့်လဲ ဖြစ်စေနိုင်တယ်။ - ၃၅ နှစ်အောက်မှာ ၁၅%၊ - ၃၅-၄၅ နှစ်ကြားမှာ ၂ဝ-၃၅%၊ - ၄၅ နှစ်အထက် ၅ဝ%၊ • ကိုယ်ဝန် တခါပျက်ဘူးသူ ၂၅% ထပ်ပျက်နိုင်တယ်။ ထပ်ထပ်ပျက်နေသူ ၁% ရှိတယ်။ • တချို့နေရာတွေမှာသိသာတဲ့ Miscarriage မဖျက်ဘဲပျက်တဲ့ ကိုယ်ဝန်ပျက်မှုပေါင်းဟာကိုယ်ဝန်စုစုပေါင်းရဲ့ ၁၅% ရှိတယ်။ အမေရိကားမှာ ၁ဝ-၂၅% ရှိတယ်။ • တချို့မှာဘာလို့လဲပြောမရဘူး။ ဒေါက်တာတင့်ဆွေ

No comments:

Post a Comment